నమస్తే మహిమప్రేమ(షోడశపత్ర పద్మబంధం)
సాహితీమిత్రులారా!
గోమూత్రికాబంధము వలెనే ఉండిన
ఈ శ్లోకము షోడశపత్ర పద్మబంధంగా
వ్రాయటానికివీలౌతుంది గమనించండి.
నమస్తే మహిమప్రేమ నమస్యామతిమద్దమ
క్షామసోమ నమత్కామ ధామభీమ నమక్షమ
(మహిమతోడి ప్రేమకలవాడా!
నీకు నమస్కారము.
విపరీతధీకులను దమించువాడా
కృశించిన చంద్రుని ధరించినవాడా
లొంగిన కాముని గలవాడా
కాంతులచేత భీతిని గలిగించువాడా
మవమైన ఓర్పుగలవాడా
శంకరా! నమస్కారము.)
ఈ శ్లోకంలో ప్రతి అక్షరం తరువాత అంటే
2వ,4వ,6వ,8వ,10వ అక్షరాలు వరుసగా మ అనే అక్షరమే వచ్చింది.
నమస్తే మహిమప్రేమ నమస్యామతిమద్దమ
క్షామసోమ నమత్కామ ధామభీమ నమక్షమ
దీన్ని మధ్యలో ఉంచి ఈ క్రింది చిత్రంలో లాగా
షోడశదళపద్మబంధం గీయవచ్చు. చూడండి.
No comments:
Post a Comment