శంకరుడు పడితే పార్వతికి సంతోషమా?
సాహితీమిత్రులారా!
ఈ శ్లోకం చూడండి.
శంకరం పతితం దృష్ట్వా పార్వతీ హర్ష నిర్భరా
రుదంతి పన్నగా స్సర్వే హా హా శంకర శంకర:
(సుభాషితరత్నభాండారమ్ -4-12)
పడిపోయిన శంకరుని చూచి పార్వతి సంతసించును.
పాములన్నీ అయ్యో! శంకరా! అని విలపించును.
ఇదేమిటి? ఎంత విచిత్రంగావుంది.
ఇది ఇలా ఎందుకుందో ఆలోచించండి.
పార్వతి ఎక్కడైనా శంకరుడు పడితే ఆనందిస్తుందా?
బాగా ఆలోచిస్తే ఈ పదాలకు మరేదైనా అర్థం ఉందేమో? గమనించాలి.
ఇక్కడ శంకర అంటే చందనవృక్షము అనికూడ అర్థం ఉంది.
కాబట్టి పడింది శివుడుకాదు చందనవృక్షము
సంతోషపడింది పార్వతి అనే భిల్లయువతి అని తీసుకుంటే
పాములు చందనవృక్షం ఆశ్రయించి ఉండేవి
చెట్టుపడిపోగా అవి శంకరా! అయ్యో! మాకు నివాసం పోయిందే
అని రోదించాయి.
ఇది అసలైన అర్థం.
No comments:
Post a Comment