Wednesday, August 24, 2016

లతాతన్విగళము ధర వర్ణింపన్


లతాతన్విగళము ధర వర్ణింపన్


సాహితీమిత్రులారా!

ఈ పద్యం చూడండి.

నెఱికురు లగుఁ గంధరములు
ధరములకన్నన్ గుచములు తగ సుందరముల్
దరములసిరి బిత్తరములు
దరమె లతాతన్విగళము ధర వర్ణింపన్
                                  (హంసవింశతి 3-73)
ఆ స్త్రీ
నెఱికురులు - కంధరములు = మేఘములు,
కుచములు -
ధరములకన్నన్ = పర్వతములకంటె, సుందరములు,
గళము = కంఠము - దరముల = శంఖములయొక్క,
సిరి = శోభావైభవలక్ష్మియొక్క, బిత్తరములు = శృంగారచేష్టలు.

అలాంటి కచ - కుచములను వర్ణింప తరమా? - అని భావం.

ఇందులో కంధరము లో కం - తొలగించిన ధరములు అగును
సుందరము లో సుం - తొలగించిన దరము అగును
కావున ఇది చ్యుతాక్ష చిత్రము అనవచ్చును.

No comments: