దారములేని హారము
సాహితీమిత్రులారా!
సమస్య-
దారములేని హారము నుదారత నీకెవరిచ్చిరమ్మరో
పూర్వకవి పూరణ-
సారసనేత్ర యొక్కతె నిశాసమయంబున మంచిముత్య
ముల్
కూరిచి తా ధరించి తను కూడెడి నాథు కవుంగిలింప - చే
కూరెను ముద్ర లవ్విగని కోమలు లుట్లని రెల్ల నెచ్చలుల్
దారములేని హారము నుదారత నీకెవరిచ్చిరమ్మరో
ఒక సుకుమారి ముత్యముల హారమును
ధరించి భర్తను బిగిగా కౌగిలించుకొన్నది.
మెత్తని శరీరంపై హారముద్రలు ఎఱ్ఱగా
కన్పిస్తున్నవి. ఆమెను పరిహాసమాడుతూ
ఆమె స్నేహితురాండ్రు ప్రశ్నించు సన్నివిసేశము
కల్పించిరి కవిగారు ఇందులో.
No comments:
Post a Comment