అనఘులు హరిహరు లనయము దయచే

అనఘులు హరిహరు లనయము దయచే

సాహితీమిత్రులారా!

సమస్యల్లో చాలరకాలున్నాయి
వాటిలో ఛందోగోపనము- ఇది ఒక ఛందస్సులో
కనబడునుకాని అది వేరోక ఛందములోను ఉంటుంది
అలాంటి సమస్య ఇక్కడ ఒకటి -

సమస్య-
అనఘులు హరిహరు లనయము దయచే
 కొని మనుపఁ జెలువు గులుకును జగతిన్

కోటి శ్రీరాయరఘునాథ 
తొండమాన్ మహీపాలుడు పూరణ-

వనజాస్య వింటివా తెలి
యను నాయనఘులు హరిహరు లనయము దయచే
మనుపఁ జెలువు గులుకును జగ
తిని నా చెలువకును సాటి తెఱవలు గలరే

ఈ సమస్యలో రెండు మణిగణనికర పాదములు
ఈయబడినట్లు కనిపించును కాని ఇది కందపద్యమే
అనఘులు హరిహరు లనయము దయచే
కొని మనుపఁ జెలువు గులుకును జగతిన్ - ఇందులో
కొని అనే రెండక్షరములు తీసివేసినగాని
కందపద్యంలో సరిపోదు.

దీన్నే వృత్తగోపనసమస్య అని కూడ అంటారు.