అర్థహరణ కౌశలం
సాహితీమిత్రులారా!
సుశ్లోక రాఘవమ్ లోని ఈ శ్లోకం చూడండి-
దీనికి రెండు అర్థాలున్నాయి గమనించండి-
అర్థాహరణ కోశల్యం కిం స్తుమః శాస్త్రవాదినమ్
అవ్యయేభ్యోపి యైరర్థా నిష్కాశ్యంతే హ్యనేకశః
మొదటి అర్థం -
శాస్త్రవాదుల యొక్క అర్థాహరణ
కౌశలాన్ని ఏమని పొగడగలం
వారు అవ్యయాల నుంచి కూడ
అనేకార్థాలను రాబట్టగలరు.
అర్థాహరణకౌశలమంటే
శబ్దాలకు అర్థాలను రాబట్టటం.
భాషలో అవ్యయాలు ఒక భాగం
అవ్యయానామనేకార్థత్వమని
వాటికి అనేకార్థాలుంటాయి.
అందువలన శాస్త్రవాదులు
అవ్యయాల నుండి అర్థాలను రాబట్టుతారు
కనుక అర్థాహరణ కౌశలం వారికి ఉందని
అర్థం.
రెండవ అర్థం -
అర్థం అంటే డబ్బు
అవ్యయేభ్యః - అంటే
ఖర్చు పెట్టనివారు.
పిసినిగొట్టు వారి నుండి కూడ
శాస్త్ర పండితులు తమ వాక్చాతుర్యంతో
డబ్బును బాగా లాగగల సమర్థులని భావం.
No comments:
Post a Comment