నామగోపన సీసము
సాహితీమిత్రులారా!
రసశ్రువులో భీమశంకరంగారి
నామగోపన గూఢచిత్రం చూడండి-
వేదముల్ వేదాంగ వేదాంతముల నేర్చి
ముక్తికాంతను చేరు శక్తిలేక
భీషణ తపములు విరివిగా వ్రతములు
మహిమలు మంత్రముల్ అహితమగుట
శంస చేయగ నాకు శాస్త్రమురాక
కట్టడ నిను గొల్చు పట్టులేక
రక్తితో మిమ్ముల రంజిల్ల చేయంగ
ముచ్చట్లు నాకేమి వచ్చు గనుక
వ్రాయ నేర్చితి శంకరా పద్యకవిత
సిద్ధ కన్యను దీనిని స్వీకరించి
నగ కుమారికి, గంగకు నచ్చ చెప్పి
దిటవుగ దీపింప నేలుమో నటవరేణ్య!
(రసశ్రువు పుట- 194)
దీనిలోని పాదముల మొదటి అక్షరములను కలిపిన
వేము భీమ శంకరము వ్రాసినది - అను గూఢనామము
బహిర్గతమౌతుంది.
వేదముల్ వేదాంగ వేదాంతముల నేర్చి
ముక్తికాంతను చేరు శక్తిలేక
భీషణ తపములు విరివిగా వ్రతములు
మహిమలు మంత్రముల్ అహితమగుట
శంస చేయగ నాకు శాస్త్రమురాక
కట్టడ నిను గొల్చు పట్టులేక
రక్తితో మిమ్ముల రంజిల్ల చేయంగ
ముచ్చట్లు నాకేమి వచ్చు గనుక
వ్రాయ నేర్చితి శంకరా పద్యకవిత
సిద్ధ కన్యను దీనిని స్వీకరించి
నగ కుమారికి, గంగకు నచ్చ చెప్పి
దిటవుగ దీపింప నేలుమో నటవరేణ్య
No comments:
Post a Comment