యోని సోకినఁ జేయి కాలేను స్వామి
సాహితీమిత్రులారా!
సమస్య -
యోని సోకినఁ జేయి కాలేను స్వామి
(ఇది పైకి అశ్లీలతను కనిపించేవిధంగా ఉన్న సమస్య)
పాలపర్తి శ్యామలానంద ప్రసాదుగారి పూరణ-
హవ్యవాహన! అఘనాశ! ఆర్తిపోష!
యనుచుఁగనుమూసి, ధ్యానించునట్టి వేళ
అతివ యజమాని కనియె - "నాథా కృపీట
యోని సోకినఁ జేయి కాలేను స్వామి"
ఈ సమస్యను కవి ఎంతో చమత్కారంగా పూరించాడు
యోని - అంటే స్త్రీ మర్మావయవము
కృపీటయైని - అంటే జలమునుండి పుట్టే అగ్ని
ఒక యజమాని యజ్ఞం చేస్తున్నాడు
అతడు కళ్లుమూసుకొని
హవ్యవాహన!
అఘనాశ!
ఆర్తపోష!
అంటూ హోమద్రవ్యాలు యజ్ఞంలో వేస్తున్నాడు
మంటలు ఎక్కువగా వ్యాపిస్తున్నాయి.
అది చూచిన అతని భార్య ఈ విధంగా అన్నదట-
స్వామి అగ్ని నాలుకలు సాచుతున్నాడు.
మీరేమో కన్నలు మూసుకొని నిష్ఠతో
హోమద్రవ్యాలు వేస్తున్నావు
ఆ అగ్ని తాకితే చేతులు కాలుతాయిసుమా-
అన్నదట.
మీరును మరోవిధంగా పూరించి పంపగలరు
No comments:
Post a Comment