లతల మీద వేళ్ళునుత నాట్యమాడును
సాహితీమిత్రులరా!
ఈ పొడుపు పద్యం చూడండి-
కాయమీద మాను కడురమ్యమైయుండు
మానుమీద లతలు మలయుచుండు
లతల మీద వేళ్ళు నుత నాట్యమాడును
దీని భావమేమి తిరుమలేశ
కాయమీ మాను చాల రమ్యంగా ఉందట
ఆ మానుమీద లతలు మలయుతున్నాయట
ఆ లతల మీద వ్రేళ్ళు పొగిడే విధంగా
నాట్యమాడుతున్నాయట -
దీని భామేమిటో చెప్పమంటున్నాడు కవి
విచ్చండి లేదా చూడండి-
సమాధానము - వీణ
వీణకు క్రింది వైపు కాయ ఉంటుందికదా
కాయమీద మ్రాను లేక కొయ్య ఉంటుంది కదా
దానిమీద తంత్రులనే లతలుంటాయికదా
ఆ లతలనే తంత్రులపై వ్రేళ్ళు ఆడుతుంటాయి కదా
అంతే అదే వీణ
No comments:
Post a Comment