విలాసినీం కాంచనపట్టి కాయాం
సాహితీమిత్రులారా!
ఈ ప్రహేలికను చూడండి-
విలాసినీం కాంచనపట్టి కాయాం
ఫాటీరవంకై ర్విరహి విలిఖ్య
తస్యా: కపోలే వ్యలిఖత్ పవర్గం
తవర్గమోష్ఠే చరణే టవర్గమ్
ఒక కాముకుడు ఒకానొక విలాసవతిని
బంగారు పట్టికపై శ్రీగంధద్రవంతో చిత్రించి
ఆమె చెంపమీద 'ప' వర్గమును,
పెదవిమీద 'త' వర్గమును,
పాదముపై 'ట' వర్గమును
వ్రాశాడు కాని దీని అర్థమేమి?
అంటే ఓష్ఠస్థానీయమైన ప వర్గము వ్రాయుటవలన
- నా పెదవులతో నీ చెంపను ముద్దు పెట్టుకొందును అని,
దంతస్థానీయమైన "త" వర్గం రాయటం
అంటే నీ పెదవులపై దంతక్షతము చేయుదును అని,
మూర్ధస్థానీయమైన ట వర్గమును ఉపయోగించుటవలన -
నీవు కోపగించినచో
నీ పాదముపై నాతలను ఉంచుదునని - అతని ఆశయము.
No comments:
Post a Comment