రాజిత నగాగ్రమున విహారంబు సల్పు

రాజిత నగాగ్రమున విహారంబు సల్పు

సాహితీమిత్రులారా!

ద్విపది గురించి కొంతకాలం క్రిందట తెలుసుకొని ఉన్నాము.
ఇది మరొకటి గమనింపుడు.
ఇందులో 1,3 పాదములు సమానము,
అలాగే 2,4 పాదములు సమానము.

రాజిత నగాగ్రమున విహారంబు సల్పు
నీలకంఠాతిశయము రాణిలుటకంటే
రాజిత నగాగ్రమున విహారంబు సల్పు
నీలకంఠాతిశయము రాణిలుటకంటే
                                     (సారంగధరీయము - 2-138)

రాజిత - ప్రకాశించునట్టి,
నగాగ్రమునన్ - పర్వతశిఖరమునందున,
విహారముసల్పు - వేడుకగా తిరుగునట్టి,
నీలకంఠ - ఈశ్వరుని యొక్క,
అతిశయము - గొప్పదనము,
రాణిలుకంటె - ఒప్పారుటకన్న,
రాజిత - ప్రకాశించునట్టి,
నగాగ్రమునన్ - చెట్టు చివరయందున,
విహారంబు సల్పు - సంచారము చేయునట్టి,
నీలకంఠ - నెమళ్ళ యొక్క,
అతిశయము - గొప్పతనము,
రాణిలుట - ఒప్పారుట,
కంటె - చూచితివా.