రాక రాక వచ్చు రామచంద్రుని జూడ

రాక రాక వచ్చు రామచంద్రుని జూడ

సాహితీమిత్రులారా!

ద్విపాది అనగా పద్యంలోని నాలుగు పాదాలలో 1,2 పాదాలు ఒకటిగా,
3,4 పాదాలు ఒకటిగా ఉండడంగాని,
1,3 పాదాలు ఒకటిగా(ఒకేలా) ఉండి, 2,4 పాదాలు ఒకటిగా ఉండవచ్చు.
 అలాంటి వాడిని ద్విపాది అంటారు.
కాణాదం పెద్దన సోమయాజి 18వ శతాబ్దంలో గద్వాల,
సురపురం సంస్థానాల్లో కవిగా ఉండినవాడు.
ఈయన ఆధ్యాత్మరామాయణంలోని
ఈ ద్విపాది పద్యం చూడండి.

రాక రాక వచ్చు రామచంద్రుని జూడ
సంతసించి రచటి జనము లెల్ల
రాక రాక వచ్చు రామచంద్రుని జూడ
సంతసించి రచటి జనము లెల్ల

వనవాసం తరువాత రామచంద్రుడు
అయోధ్యకు వచ్చిన సందర్భములో
ఈ పద్యం ఉంది.
రాక - పున్నమి,
రాక రాక వచ్చు -  పున్నమ పున్నముకూ వచ్చే,
రామ - అందమైన,
చంద్రుని చూడ - చందమామను చూడగా,
సంతసించునట్లు జనులెల్ల,
రాక రాకవచ్చు - చాలాకాలం రాకుండావుండి వచ్చిన,
రామచంద్రుని చూడ - శ్రీరామచంద్రుణ్ణి చూడగానే,
సంతోషించారు అక్కడి జనమంతా - అని భావం.