వరాహపురాణములోని చిత్రకవిత - 1
సాహితీమిత్రులారా!
తెలుగులోని మొదటి జంటకవులు
నంది మల్లయ- ఘంట సింగయ.
వీరు కడపజిల్లాలోని
రాచవీడు(రాయచోటి)కు
చెందినవారు
వీరు వరాహపురాణము,
ప్రబోధచంద్రోదయము
అను గ్రంథాలను వ్రాశారు
ఇక్కడ వరాహపురాణములోని
చిత్రకవితను చూద్దాం.
తెలుగులో నన్నెచోడుని తరువాత
చిత్రకవిత వ్రాసి చిత్రకవులకు
మార్గదర్శకులైనారు.
తెలుగులో మొదటి ఏకాక్షరి,
ద్వ్యక్షరి, పంచాక్షరి కూర్చినవారు వీరే.
ఏకాక్షరి-
న- కారముతో కూర్చబడినది.
నానాననునిననూనున
నేను నిను ననున్ను నెన్న నీనీననిను
న్నానొని న నోన్ని నానౌ
నేనే నను నన్నునాన నేనను నన్నన్
(వరాహపురాణము- 10- 90)
ద్వ్యక్షరి -
క-ల - అనే హల్లులతో కూర్చబడినది.
కాక లికా కలకలకల
కోకిలకులలీల కలులకులుకుల కలుకే
కైకోకు కేలి కొలఁకుల
కోకాళీకేళి కులికి కొంకకు కలికీ
(వరాహపురాణము - 11 - 69)
పంచాక్షరి-
నమశ్శివాయ పంచాక్షరీ సీసము
ఇందులో న-మ-శ-వ-య - అనే
హల్లులను ఉపయోగించి కూర్చబడినది.
యమ నియమాయామ శమనివేశన మనో
మౌనివశ్యాయ నమశ్శివాయ
యానాయమాన నానా యన నవనవా
మ్నాయమ యామ నమశ్శివాయ
వనయోని యామినీ వమేశ శశ్యంశు
మన్నయనాయ నమశ్శివాయ
వ్యోమానుయాయి మా యామానవాశన
మాననాశాయ నమశ్శివాయ
యని వినయమున ముని యనయమును విశ్వ
మను వనమ్మున నెమ్మినై నున్న నన్ను
నెమ్మనమ్మున నమ్మిన నెమ్మినేను
నోము నీశాన యిమ్మన్నదేమి యనిన
(వరాహపురాణము - 10 - 56)
దీనిలో గీతపద్యం చివరిపాదంలో (దే) అన్నది తప్ప
మిగిలిన పద్యమంతా పంచాక్షరాలతోటే సాగింది.
మీరును గమనించండి.
No comments:
Post a Comment