మనసిజు మామమామ........
సాహితీమిత్రులారా!
కొందరు ఆశీర్వదిస్తే మామూలుగా ఉంటుంది.
దాన్ని ఎవరు పట్టించుకోరు.
ఎవరైనా
నమస్కారం అంటే ఇందులో ఆశ్చర్యంలేదు.
మనము నమస్కారం అంటాం.
అంతేనా! మరి అలా కాకుండా దానికిసమానమైన మరోపదం వాడితే
ఆలోచించాల్సివస్తుంది కదా!
అలాంటిదే
ఈ ఆశీర్వాదపద్యం.
మనసిజు మామమామ, యభిమానమడంచినవానిమామ, నం
దను విరోధి నందనుని నందను సుందరి, మేనమామ, జం
పినజెగజెట్టి పట్టి బొడి చేసిన శూరుని తండ్రి గన్నుగన్
గొనిన సురాధినాథుని తనూభవునాయువు మీకు నయ్యెడున్
మన్మథునిమామ చంద్రుడు,
చంద్రునిమామ దక్షుడు,
దక్షుని అభిమానాన్ని అణచినవాని
(శివుని)మామ - హిమవంతుడు,
హిమవంతుని కుమారుడు మైనాకుడు,
మైనాకుని విరోధి ఇంద్రుడు,
ఇంద్రుని కుమారుని కుమారుడు - అభిమన్యుడు,
అభిమన్యుని సుందరి - ఉత్తర,
ఉత్తర మేనమామ - కీచకుడు,
కీచకుని చంపినవాడు - భీముడు,
భీముని కొడుకు ఘటోత్కచుని చంపినవాడు - కర్ణుడు,
కర్ణుని తండ్రి సూర్యుడు,
సూర్యుని కన్నుగా గలవాడు - విష్ణువు,
విష్ణువు కుమారుడు - బ్రహ్మ-
ఆ బ్రహ్మదేవుని ఆయుస్సు
మీకు కలుగుగాక -
---దీని భావం.
No comments:
Post a Comment