చతుర్థ పాద గోపనము
సాహితీమిత్రులారా!
రావూరి దొరస్వామి గారి పద్యం ఇది
ఈ పద్యంలోని నాలుగవ పాదము
మొదటి మూడు పాదములలో
గుప్తము చేయబడి ఉంది అది గమనించడమే
ఇందులోని చిత్రం దీన్ని చతుర్థపాద గూఢమంటారు.
విశ్వపాలక భాసిల్లు వితమయంబు
పిసగనమి మహిమను బెనుపు సరి మాద్రి
యెనయ జలజాక్ష గురుపాద గనయము నను
దీనిలోని నాలుగవ పాదం చూడాలంటే
మొదటి పాదం మొదటి అక్షరం మొదలు
రెండు అక్షరములను వదలుతూ మూడవ అక్షరం
తీసుకుంటే నాలుగవపాదం వస్తుంది.
విశ్వపాలక భాసిల్లు వితమయంబు
పిసగనమి మహిమను బెనుపు సరి మాద్రి
యెనయ జలజాక్ష గురుపాద గనయము నను
నాలుగవ పాదం-
విలసితంబుగ మనువు మానలఁగు దయను పూర్తి పద్యం-
విశ్వపాలక భాసిల్లు విత్తమయంబు
పిసగనమి మహిమను బెనుపు సరి మాద్రి
యెనయ జలజాక్ష గురుపాద గనయము నను
విలసితంబుగ మనువు మానలఁగు దయను
No comments:
Post a Comment