భానుడొసంగు శీతలము భక్తజనాళికి
సాహితీమిత్రులారా!
సమస్య-
భానుడొసంగు శీతలము భక్తజనాళికి గ్రీష్మమందునన్
వేదగిరి వేంకట నరసింహరాయశర్మగారి పూరణ-
మానవకోటి చీకటుల మాయమొనర్చి వెలుంగెవండిడున్?
స్నాన మొనర్చ యేమగును చయ్యన పుష్కరిణీజలంబు లన్?
ధీనిధులార దాహమునుఁదీర్పగ లగ్గగు కాలమెద్దియో?
భానుడొసంగు, శీతలము భక్తజనాళికి, గ్రీష్మమందునన్
ఈ సమస్యము కవిగారు క్రమాలంకారములో పూరించారు.
మొదటి పాదంలోని ప్రశ్నకు - భానుడొసంగు - అని
రెండవపాదంలోని ప్రశ్నకు - శీతలము భక్తజనాళికి - అని
మూడవపాదంలోని ప్రశ్నకు - గ్రీష్మమందునన్ - అని
పూర్తి చేశారు.
No comments:
Post a Comment