Thursday, July 5, 2018

తెలుపు మాతడు ఎవ్వరో తెలుగుబాల?


తెలుపు మాతడు ఎవ్వరో తెలుగుబాల?




సాహితీమిత్రులారా!



ఈ పొడుపు పద్యం
విప్పండి-


అతడు నల్లని వాడైన యమగడు కాడు
అతడు చక్రము దాల్చు కుమ్మరియు కాడు
అతడు శంఖమ్ము దాల్చు జంగమ్ము కాడు
అతడు పింఛము ధరించు చెంచు కాడు
అతడు రాజ్యాలు నిలబెట్టు రాజు కాడు
అతడు వస్త్రాల నందిచ్చె సాలెకాడు
అతడు మర్రాకు పైపండె పురుగుకాడు
అతని బరువుండె తులసంత దూదికాడు
తల్లి పాలను ఎరుగడు తల్లి కలదు
తండ్రి మమతను ఎరుగడు తండ్రి కలడు
జీవమే లేని మేనల్లు డతని జంపె
తెలుపు మాతడు ఎవ్వడో తెలుగుబాల


సమాధానం -  శ్రీకృష్ణుడు

సమాధానం సరైనదో కాదో
తర్కించి చూడగలరు.
Post a Comment