రాధేయుఁడు నందినెక్కి రావణుగెలిచెన్
సాహితీమిత్రులారా!
"రాధేయుఁడు నందినెక్కి రావణుగెలిచెన్" - అనే సమస్యను
ఒక కవి ఎంత చమత్కారంగా క్రమాలంకారంలో
ప్రహేలికా పద్ధతిలో పూరించాడో చూడండి.
యోధెవ్వఁడు కురుబలముకు
మాధవ సఖుఁడేమి యెక్కిమఱి తిరుగాడున్
సాధించె రాముఁడెవ్వని
రాధేయుఁడు నందినెక్కి రావణుగెలిచెన్
దీన్ని ఇలాగే చదివితే అర్ఱం బోధపడటం కష్టమే.
రాధేయుఁడు నందినెక్కి రావణుగెలిచెన్ - ను
రాధేయుఁడు, నందినెక్కి, రావణుగెలిచెన్ అని మూడు భాగాలుగా తీసుకొని
ప్రశ్నప్రకారం సమాధానంగా తీసుకోవాలి
కురుబలముకు యోధెవ్వఁడు - రాధేయుడు(కర్ణుడు)
మాధవ సఖుఁడేమి యెక్కిమఱి తిరుగాడున్ -
(శివుడు ఏమి ఎక్కి తిరుగును) - నంది
రాముఁడెవ్వని సాధించె (రాముడు ఎవరిని గెలిచాడు)
- రావణు గెలిచెన్
1 comment:
Chinnappudu chadivanu ..last line maatram gurtundi...full padyam kosam chala search chesa .. yekkada dorakaledu ....chaala thanks
Post a Comment