కుడితి గోలెం పైన పొన్న కాయ
సాహితీమిత్రులారా!
ఈ పొడుపుకథను
విప్పండి-
1. జోడు నిట్రాళ్లు
నిట్రాళ్ల మీద కుడితిగోలెం
కుడితి గోలెం పైన పొన్న కాయ
పొన్నకాయ మీద గరిక పోచలు
గరిక పోచల పైన గాడిద పిల్లలు నాట్యమాడుతున్నాయి
ఏమిటో చెప్పండి?
సమాధానం -
జోడు నిట్రాళ్లు - కాళ్లు
నిట్రాళ్ల మీద కుడితిగోలెం - పొట్ట
కుడితి గోలెం పైన పొన్న కాయ - తల
పొన్నకాయ మీద గరిక పోచలు - జుట్టు
గరిక పోచల పైన గాడిద పిల్లలు నాట్యమాడుతున్నాయి - పేలు
2. తలలు మూడు, కాళ్లు పది, మూడు తోకలు
ఆరు కన్నులు, నాలుగు కొమ్ములు, రెండు చేతులు
ఏమిటిది చెప్పండి?
సమాధానం - అరక
No comments:
Post a Comment