పడతి కుభయ పక్షముల
సాహితీమిత్రులారా!
కపిలవాయి లింగమూర్తిగారి
ఆర్య శతకము(చిత్రపది)లోని
పద్యమిది-
పడతి కుభయ పక్షములను
పుడమి నేడుగడగ నిలిచి పొలుచునెవడునా
తడె పతియటు గాకున్నను
వెడగుసుమీ జగతియందు వినుమా యార్యా!
ఉభయపక్షములు - ఇహపరములు, రెండువైపులు.
ఏడుగడ - ఆధారం
పడతి అనే పేరులోని రెండువైపులా అంటే
మొదటి చివరి అక్షరాలను కలుపగా
పతి అవుతుంది. అదే విధంగా ఆమెకు
ఉభయపక్షాలు అంటే ఇహపరాలు రెంటికి
రక్షణగా నిలిచినవాడే భర్త. అలా కాకుంటే
వాడు అవివేకి క్రిందికే లెక్క - అని భావం
No comments:
Post a Comment