రావణ కుంభకర్ణులకు రాముడు పుట్టె
సాహితీమిత్రులారా!
సమస్య-
రావణ కుంభకర్ణులకు రాముడు పుట్టె గుణాభిరాముడై
కరుణశ్రీ జంధ్యాల పాపయ్యశాస్త్రిగారి పూరణ-
చేవనొసంగ జాతికి, జీవమొసంగగ బండరాతికిన్,
సేవనొసంగ కోతికిని, శిక్షనొసంగగ చుప్పనాతికిన్,
దేవమునీంద్ర శాపమును దీరిచి ముక్తిపదం బొసంగగా
రావణ కుంభకర్ణులకు; రాముడు పుట్టె గుణాభిరాముడై
కవిగారు చాలచక్కగా అసంగతాన్ని సంగతంగా మార్చారు
పదాల విరుపుతో. కాకున్న రావణ కుంభకర్ణులకు
రాముడు పుట్టునా గుణాభిరాముడై
No comments:
Post a Comment