Sunday, July 18, 2021

ఒక పద్యంలో మరో రెండు పద్యాలు

 ఒక పద్యంలో మరో రెండు పద్యాలు




సాహితీమిత్రులారా!



ఒక పద్యంలో అనేక పద్యాలను ఇమిడ్చి 

పద్యాన్ని కూర్చితే దాన్ని గర్భచిత్రం అంటాము.

ఇక్కడ ఒక పద్యంలో (చంపకమాలలో) కందము 

గీతపద్యాలను ఇమిడ్చికూర్చారు 

గున్నేపల్లి మృత్యుంజయకవిగారు

తన శ్రీసూర్యరాయ శతకం101వ పద్యంలో

చూడండి-

సురధరధీరసుస్థిరయశోభరపూర్ణవితీర్ణకర్ణ భా

స్వరచరితాన్వితా హరికృపారసపూరమహాగభీర భీ

కరవరజైత్రసంభృతవికస్వర తేజ కవీంద్రభోజ బం

ధురగుణధీనుతీ స్తువిధుస్మరరూపక సూర్యభూపతీ


గర్భస్థకందము-

సురధరధీరసుస్థిరయశోభరపూర్ణవితీర్ణకర్ణ భా

స్వరచరితాన్వితా హరికృపారసపూరమహాగభీర భీ

కరవరజైత్రసంభృతవికస్వర తేజ కవీంద్రభోజ బం

ధురగుణధీనుతీ స్తువిధుస్మరరూపక సూర్యభూపతీ


కందము-

ధరధీర సుస్థిరయశో

భరపూర్ణ వితీర్ణకర్ణ భాస్వరచరితా

వరజైత్రసంభృతవిక

స్వర తేజ కవీంద్రభోజ బంధురగుణధీ


గర్భస్థగీతపద్యం-

సురధరధీరసుస్థిరయశోభరపూర్ణవితీర్ణకర్ణ భా

స్వరచరితాన్వితా హరికృపారసపూరమహాగభీర భీ

కరవరజైత్రసంభృతవికస్వర తేజ కవీంద్రభోజ బం

ధురగుణధీనుతీ స్తువిధుస్మరరూపక సూర్యభూపతీ

గీతపద్యం-

స్థిరయశోభరపూర్ణ వితీర్ణకర్ణ

హరికృపారసపూర మహాగభీర

భృతవికస్వర తేజ కవీంద్రభోజ

స్తుతవిధుస్మరరూప సూర్యభూప

No comments: