చెక్కులు పసగలిగుండును
సాహితీమిత్రులారా!
ఈ పొడుపు పద్యం చూడండి-
చెక్కులు పసగలిగుండును
చక్కని గుబ్బలనెసంగ సౌరై యుండున్
చిక్కునొక గడియలోపల
మక్కువసతిగాదు చూడ మహిమండలిలోన్
చెక్కులు (చెంపలు) పసగలిగి ఉంటాయట
గుబ్బలు(పాలిండ్లు) అతిశయించి అందంగా ఉంటాయట
అలాంటిది ఒక గడియకు చిక్కుతుందట
కాని అది సతి(స్త్రీ) కాదట - అదేమిటో చెప్పాలి
సమాధానం - జోడు తలుపులు
తలుపు చెక్కులుంటాయి. గబ్బలుంటాయి
రెండు తలుపులు ఒక గడియకు మాత్రమే చిక్కుతాయి
కాబట్టి సమాధానం సైరైందే.
No comments:
Post a Comment