ముందు వెనుక రక్షణగా ఉండేవాడే పతి

సాహితీమిత్రులారా!

కపిలవాయి లింగమూర్తిగారు తన ఆర్యా శతకంలో 

అనేక శబ్దచిత్రాలను కూర్చారు  వాటిలోనిదే ఈ పద్యం 

చూడండి-

పడతి కుభయ పక్షములను

పుడమి నేడుగడగ నిలిచి పొలుచునెవడునా

తడె పతియటు గాకున్నను

వెడగుసుమీ జగతియందు వినుమా యార్యా!

ఉభయపక్షములు - ఇహపరాలు, రెండువైపులు.

ఏడుగడ - ఆధారం

పడతికి ఇహపరాలలో రెండువైపులా అనగా

ఇహంలోనూ పరంలోనూ అండగా ఉండేవాడే భర్త

అలాకానివాడు అవివేకి క్రిందనే లెక్క - అని భావం.

ఇందులోని శబ్దచిత్రం-

పడతి - అనే పదంలో మొదటి చివరి అక్షరాలను కలిపిన పతి అవుతుంది.

దీన్నే కవిగారు ముందు వెనుక అంటే పతి అయినవాడు ఇదేవిధంగా

ముందు వెనుక రక్షణగా ఉండేవాడే పతి లేనివాడు అవివేకి అని చెబుతున్నాడు.