Sunday, April 18, 2021

చెప్పలేకున్న నగుదునే చిన్ననగవు

 చెప్పలేకున్న నగుదునే చిన్ననగవు





సాహితీమిత్రులారా!



పొడుపు పద్యం చూడండి 

సమాధానాలు చెప్పగలరేమో


ఆజ్యంబు, వీరుని యాత్మగుణంబునుఁ

              గలకాయ యోదియో తెలియవలయు

అతిమతి భ్రష్టుండు నలపుచ్చయును, రెండుఁ

              గలకాయ యోదియో తెలియవలయు

దేశంబు, జనుల హృదికిబాధయనునవిఁ

              గలకాయ యోదియో తెలియవలయు

చిఱుత తనంబును, చిన్నదె్బయు రెండుఁ

             గలకాయ యోదియో తెలియవలయు

దీనియర్థంబు చెప్పంగ మానవులకు

మహిని గడువిత్త పదునైదు మాసములను

సమ్మతిగఁజెప్ప భావజ్ఞ చక్రవర్తి

చెప్పలేకున్న నగుదునే చిన్ననగవు


ప్రతిపాదంలో రెండు పదాలున్నాయి 

వాటిని కలిపి వచ్చే ఒకేపదం ఉత్తరం

సమాధానాలు చెప్పగలరేమో గమనించండి-


సమాధానాలు-

ఆజ్యంబు, వీరుని యాత్మగుణంబునుఁ

              గలకాయ యోదియో తెలియవలయు

దీనిలో ఆజ్యము నెయ్యి, వీరుని ఆత్మగుణం బీరం

రెండిటిని కలిపిన కాయ

నేతిబీరకాయ సమాధానం


2. వెఱ్ఱిపుచ్చకాయ

3. సీమచింతకాయ

4. చిట్టిమొట్టికాయ

No comments: