Monday, March 29, 2021

శ్రీరామ స్థవము

శ్రీరామ స్థవము





సాహితీమిత్రులారా!



ఈ స్థవాన్ని చూడండి


పాము వెన్నెల, బూది, నాపగను దాల్చు

వేల్పు టిల్లాలు సైదోడు విడిదిఁగన్న

మిన్నపావడ గలకన్నె మిన్నఁగన్న

కన్నె దొరసామి సిరిమిమ్ముఁగాచుగాత


పాము వెన్నల బూది అపగ(నది) లను తాల్చెడి దేవుడు ఈశ్వరుడు

ఆయన భార్య పార్వతి, 

ఆమె తమ్ముడు మైనాకుడు, 

అతనికి విడిదిగా ఉన్నది సముద్రం, 

సముద్రుని పావడాగల కన్నె భూదేవి, 

ఆమె కన్నకూతురు సీతాదేవి,

ఆమె భర్త శ్రీరామచంద్రుడు. 

ఆయన మీకు ఐశ్వర్యాలనిచ్చి కాచుగాక


ఇందులో శ్రీరాముని స్థవం గూఢంగా ఉందికావున ఇది గూఢచిత్రం అవుతుంది. 

No comments: