వేషంబుల లోకమిద్ది వినుమా

వేషంబుల లోకమిద్ది వినుమా

సాహితీమిత్రులారా!

కపిలవాయి లింగమూర్తిగారి
ఆర్యా శతకం నుండి
ఈ పద్యం గమనించండి -

ఆశా దీర్ఘము హ్రస్వము
భాసిల్లును దృష్టియెట్లు బరగెడునుసుమీ
దోషములు లేక నుండగ 
వేషంబుల లోకమిద్ది వినుమా యార్యా!

సంస్కృతంలో ఆశ(కోరిక) దీర్ఘాంతము
దీర్ఘం - గొప్పది, పొడవైనది
దృష్టి - చూపు ఇది హ్రస్వం పదం
హ్రస్వం - పొట్టిది, చిన్నది.

సంస్కృతంలో ఆశాశబ్దం దీర్ఘంతం, దృష్టిశబ్దం హ్రస్వాంతం.
ఈ శబ్దాలకు తగినట్లు బ్రహ్మదేవుడు మనిషికి ఆశను దీర్ఘంగాను
దృష్టిని చాల చిన్నగాను చేశాడు. ఇదొక విచిత్రమైత పరిస్థితి కాబట్టి
ఈ స్థితిలో లోకంలో ఆశాపరుడు దోషరహితుడుగా ఉండటం కష్టం.
 అందుచేత మనిషి ఆశకుపోక ఒకకొడికి నిలిచి త్యాగబుద్ధి కలిగి ఉండాలి
- అని భావం