కామాక్షి - నవగ్రహాలు
సాహితీమిత్రులారా!
మూకపంచశతిని మూకకవి 500 శ్లోకాలతో కూర్చారు.
ఇందులో పాదారవిందశతకంలోని ఈ శ్లోకం గమనించండి-
ద ధానో భాస్వత్తా మమృతనిలయో లోహిత వపు
ర్వి నమ్రాణాం సౌమ్యో గురరపి కవిత్వం చ కలయన్
గతౌమందో గంగాధర మహిషి! కామాక్షి! భజతాం
తమః కేతురాత్మతస్తవ చరణ పద్మో విజయతే
(మూకపంచశతి - పాదారవింద శతకం - 59)
ప్రకాశించు స్వభావం గని(సూర్యుడై), అమృతమునకు నిలయమై(చంద్రుడై),
ఎర్రనిమూర్తిగలదై(కుజుడై), వినతులయెడ సౌమ్యమై(బుధుడై), గురుమూర్తియై
(బృహస్పతియై), కవిత్వము నలవరించుచు(శుక్రుడై), మందగతి నొంది(శనియై),
తమస్సుపాలిటికి అగ్ని లేక కాంతియై (రాహువు కేతువై) నీ చరణ కమలము
సర్వాతిశయియై ఒప్పుచున్నది - అని భావం
దీనిలో సూర్యాది నవగ్రహ రూపముగా పరదేవతాచరణములు రూపొందింపబడినవి.
No comments:
Post a Comment